Pśewóźujucy k wustajeńce “Co ga ma to groniś – mjeńšyna?”, wótmějo se
pětk, dnja 13. oktobra 2023 zeger 18.00,
w Měsćańskem muzeju w Chóśebuzu podiumowa diskusija,
na kótaruž Was wjelgin wutšobnje pśepšosyjomy.
Głowny temat zarědowanja jo poměr mjazy mjeńšynami a wětšynu how w Nimskej. Comy wobswětliś kak se to źinsa ma – lěc jo rozrědowanje ludnosći do mjeńšynow a wětšyny hyšći abo zewšym pšawje a comy glědaś źo a kak pśidu mjeńšyny a wětšyna do rozgrona, źo nastanu snaź nowe móžnosći za dialogi a kake rozdźelne aktualne problemy maju awtochtowne mjeńšyny kaž teke ludowe a rěcne kupki w Nimskej.
Witamy k diskusiji mjazy drugim pśedsedarja Domowiny a amtěrujucego pśedsedarja mjeńšynoweje rady styrich awtochtonych narodnych mjeńšynow a ludowych kupkow Nimskeje, Dawida Statnika,
wjednika mjeńšynowego sekretariata, kněza Gösta Nissen,
kaž teke cłonkow mjeńšynoweje rady a ekspertow, kenž su drogujucu wustajeńcu wuwijali.
Zarědowanje moderěrujo głowny kurator drogujuceje wustajeńcy, dr. Robert Lorenc.