Ku głownym nadawkam muzeja słuša pódla slěźenja a pósrědnjenja pśedewšym zgromaźowanje a wobchowanje objektow. Muzejowe zběrki twórje zakład kuždego muzeja.
Zběrki Serbskego muzeja ze śěžyšćom kulturnych stawiznow Dolneje Łužyce su jadnorazne w swójej wjelerakosći. Wjele tysac objektow k wobceŕkam narodne drastwy, twórjece a ludowe wuměłstwo, kultura wšednego dnja, muzika, literatura a pismojstwo kaž tež numismatika a postowe stawizny znani wó kulturnem bogatstwje nejmjeńšego słowjańskego luda.
Zběraju se originalne znanki serbskeje kultury a stawiznow. Wóni se wobchowaju, dokumentěruju a pśiducym generacijam pśepódaju k slěźenju a kubłanju. Kaž źe we wšych muzejach chowa se tež w Serbskem muzeju wjele wěcej eksponatow w magacinach, nježli móžo se woglědarjam we wustajeńcach pśedstajiś. W zajźonych lětach su se zběrki naglědnje rozbogaśili. Wó wósebnje zajmnych nowonakupach se w medijach aktualnje rozpšawijo. W ramiku danych móžnosćow se wósebne nakupy wědomostnje interpretěruju a zjawnosći we wustajeńcach prezentěruju.
