Dnja 3. oktobra jo se wótměł w cełeje Nimskeje “Türen-auf-Tag” wót wusćełanja z myšku, teke w Serbskem muzeju. Dogromady 18 źiśi mjazy 4 a 16 lětami jo how serbsku kulturu póznało. Někotare su byli prědny raz w Serbskem muzeju. Zgromadnje smy teke zwónka muzeja serbske městna w Chóśebuzu pytali a namakali, ako Kloštaŕsku cerkwju, ale teke drogowe tofle. Smy naše familijowe mjenja wuslěźili a serbske postowe kórtki kołkowali a wugótowali se. Młoge źiśi su měli južo nazgónjenja ze serbskeju rěcu a kulturu a tak su teke někotare nałogi južo znali. Smy pytnuli, až grajo w nejwěcej nałogach drastwa wažnu rolu, tak smy se ju zgromadnje dokradnjej woglědali. Wósebnje kwiśonkowe mustry na rubiškach a lapach su nas zajmowali. Pó tom su źiśi měli móžnosć sami take mustry wumólowaś na měškach, kótarež su byli za to pśigótowane. Wjele źiśi jo teke hyšći swójske wobraze wót myški a serbske gronka a słowa na swój měšk napisało. Źowća a gólcy su byli wjelgin zajmowane a su mógali na kóńcu samo hyšći to abo tamne serbske słowo wóspětowaś. Teke znowa planujo Serbski muzej zasej, se na “Türen-auf-Tag” z myšu wobźěliś.