Serbski muzej w Chóśebuzu pokažo wót 14.9. drogujucu wustajeńcu „Co ma to groniś – mjeńšyna? Nowa muzeumowa pedagogowka Katharina Kliemowa jo k tomu naźěłała pedagogiski program za rědownje wót 2-12. Lětnika. Wałtoru 19.9. jo seminar gymnazija Ludwiga Leicharda pśez to wjele wó awtochtonych narodnych mjeńšynach Nimskeje nawuknuś mógał a pó grajucej wašni dožywił, co to groni byś źěl mjeńšyny. Slědujucy su pśechójźowali pśez serbski Chóśebuz a nadejšli historiske a aktualne městna serbskego žywjenja.
Teke wjelebocny pśewóźaŕski program k wustajeńce jo se zachopił. Wjacor 19. Septembra smy powědali zgromadnje z Rasmusom Meyerom, šef za komunikaciju wót Sydlesvigsk Forening w Flensburgu wó rozdźělach a zgromadnosćach w wšednem dnju Serbow a dańskeje mjeńšyny w Nimskej. Lěcrownož maju Dany w Nimskej pśez dański kraj wažnu pódpěraŕku, se teke how pšašanja stajiju k identiśe a widobnosći. Wjele derje wukubłanych luźi wušej togo do Dańskeje wudrogujo. Teke medije su byli tema. Wšak dajo źenik Flensborg Avis, pśi rozgłosu pak su pśecej na to pokazane, až dajo radijo a telewiziju w Dańskej. Njeglědajucy na dobre wuměnjenja wójuju teke Dany w Nimskej z pódobnymi wupominanjami ako Serby. Póbitujo se trajnje we wuměnje wóstaś. Snaź jo EUROPEADA w pśiducem lěśe, ako buźo sobu-wugótowana wót Danow, dobra góźba toś tu mjeńšynu lěpjej zeznaś.
Rasmus Meyer
© https://syfo.de/de/ueber-ssf/generalsekretariat