Pśechod. Übergang. Prehod. Pŕechod 03
23.4. – 11.7.2021
w Serbskem muzeju a Galeriji Bramborska
Tśi-krajowy wuměłski projekt bazěrujo na iniciatiwje kórutańskego Słowjeńca Karla Vouka, kenž jo wuměłcowki a wuměłce z wobłukow twórjece wuměłstwo, literatura a muzika gromadu wjadł a z tym tež zagronite kulturne institucije kaž muzeje, literarne domy a drugich spěchowarjow z Nimskeje, Awstriskeje a Słowjeńskeje. Z togo partnaŕstwa jo se wuwijało k prědnemu razu jadna zgromadna prezentacija nacasnego wuměłstwa mjenowanych tśoch krajow.
Wobźělijo se nagromadu 26 wuměłcowkow a wuměłcow, kenž se w swójich twóŕbach na temu “krajina” rozestajaju. Pśi tom njewobglědujo se krajina jano ako pśirodna kakosć jadnogo kraja abo regiony, ale tež ako socialny a kulturelny konstrukt.
Krajiny su źěl zgromadnego spomnjeśa. W krajinach kórjenijo narodna a kulturna identita. Wót togo njejo wuwězane to swójske zawupytnjenje změnjoneje krajiny kaž teke statkowanje wuměłskich twóŕbow na recipientow.
Wustajeńca, cytanje a koncert pśepšosyju woglědarjow a publikum se ze swójskim, traděrowanym glědanim rozestajiś.
TWÓRJECE WUMĚŁSTWO: NIKA AUTOR (SI), IRIS BRANKAČKOWA/BRANKATSCHK (DE), JOŠT FRANKO (SI), wuměłski kolektiw IRWIN (SI), MICHAEL KRUSCHA (DE), MARKO LIPUŠ (AT), ZORKA L-WEISS (AT), MELITTA MOSCHIK (AT), MARKO PELJHAN (SI), FRAUKE RAHR (DE), HELLA STOLETZKI (DE), KARL VOUK (AT), LITERATURA: ANJA GOLOB (SI), LUBINA HAJDUK-VELJKOVIĆ (DE), JILL-FRANCIS „ŹILKA“ KETLICOJC/KÄTHLITZ, CVETKA LIPUŠ (AT), MUZIKA: komponisty a komponistki: JAN CYŽ (DE), SEBASTIAN ELIKOWSKI-WINKLER (DE), JURO MĚTŠK (DE), ULRICH POGODA (DE), WALBURGA WAŁDŹIC/WALDE (DE), RENARD A. AUST (NL), interpretki a interprety: WALBURGA WAŁDŹIC/WALDE (DE), HEIDEMARIE WIESNEREC/WIESNER (DE), GEROLD GNAUSCH (DE), MONDERNSAX BERLIN (DE)
K projektoju jo wujšeł 160-bokowy katalog, kótaryž jo w Serbskem muzeju, kulturnej informaciji LODKA a w Ludowem nakładnistwje Domowina na pśedań.
Dalšne informacije k projektoju namakaśo na boce:
–
mały katalog za Choćebuz/Chóśebuz 23.04. – 11.07.2021
–
www.krajiny-2019-2020.info
–
www.galeriebrandenburg.com
