Naše pórucenja za kupku su we fazy wuwiśa. Gaž cośo rady z kupku Serbski muzej woglědaś, wobrośćo se na muzejowu pedagogowku. Pótom móžomy zgromadnje to za Waše pótrjeby pśiměrjony program wuwijaś.
Jatšy su jaden z nejwažnjejšych swěźenjow w serbskej kulturje. Wjele nałogow a tradicijow jo se wokoło jatš wuwiło.
Zgromadnje pśemyslujomy zwótkul jatšy pópšawem póchadaju a dožywijomy nałogi Serbow w našom „nałogowem parcoursu”. Na kóńcu móžo kužde góle jatšowne jajko ze škrabańskeju techniku pyšniś.
licba: až do 20 wósobow
cas: 60-90 minutow
kosty: 2 €/ góle
Co ma Martin Luther ze Serbami cyniś? Kótaru rěc powědaju Serby? Co ga jo pśěza? Gdy nosyš narodnu drastwu? Serby w Americe – dajo take něco? Dudy se jano w Šotiskej njegraju?
Njejsćo se to teke južo raz pšašali?
We wjeźenju pó trajnej wustajeńcy Serbskego muzeja słyšyśo wótegrona na te pšašanja a hyšći wjele wěcej.
licba: až do 25 wósobow
cas: 60-90 minuty
kosty: zastup + 1 €/ wósoba
Stawizny našogo města su wusko spleśone ze serbskimi stawiznami a kulturu. Zgromadnje źomy pó serbskich slědach w chóśebuskem starem měsće.
licba: až do 30 wósobow
cas: 60-90 minutow
kosty: 1 €/ wósoba