12.09.2025
zeg. 15:00 – 18:00
Symbole rozměś – kultury zwězaś
podiumowe rozgrono wó wobchadanju ze symboliku
mjazy Serbami a awstralskimi prawobydlarjami
z Christinu Grecojc, dr. Birgit Scheps-Bretschneideroweju, Andreju Pawlikoweju
moderacija: Christina Kliemowa, Fabian Jacobs
Christinu Grecojc, dr. Birgit Scheps-Bretschneider, Andreju Pawlikowa; Foto: Daniela Gellner
Symbole njamóžomy se z našogo wšednego dnja mysliś. Ako digitalne ikony abo piktogramy w zjawnem rumje – zmóžnjaju komunikaciju bźez słowow a cesto kultury pśesegaju. Ale symbole mógu hyšći wěcej: We wjele kulturach maju wóni dłymše wóznamy, pósrědnjaju stawizny, myty, identity a swětonaglědy. Wósebnje fasciněrujucy jo, kak mógu se pódobne symboliske formy w zdalonych kulturach wuwijaś – na pśikład pla Łužyskich Serbow a prawobydlarjow Awstralskeje. We wobłuku toś togo podiumowego rozgrona comy zgromadnosći, rozdźěle a wóznamy symbolow we wobyma kulturoma wobswětliś – a pśepšosyjomy Was wutšobnje k pśisłuchanju, stajaniu pšašanjow a sobumyslenju.
Dr. Birgit Scheps-Bretschneiderowa jo wjednica wótźělenja prowenencowego slěźenja a restitucije wobłuka Awstralska/Pacifikec Grassijowego muzeja Lipsk.
Andrea Pawlikowa jo kulturna wědomnostnica/sorabistka a źěła w Serbskem muzeju Budyšyn ako muzejownica.
Christina Grecojc jo jadnaŕka firmy Nagola RE, diplomowa biologowka a serbska wuměłcowka.
Dr. Fabian Jacobs jo etnolog a źěła w Serbskem instituśe we wótrěźe kulturne wědomnosći.
Christina Kliemowa jo kulturna wědomnostnica/sorabistka a źěła w Serbskem muzeju, Cottbus/Chóśebuz ako kuratorka.
Z pśedpśizjawenim
2€ k tomu zastup | Pšosym se dla wobgranicowaneje licby městnow
pśizjawiiś pód: info@wendisches-museum.de
Městno
dwór Serbskego muzeja , Młyńska droga 12, 03046 Chóśebuz
warianta špatnego wjedra: Serbski dom (klubownja),
August-Bebelowa droga 82, 03046 Cottbus/Chóśebuz
Pokazka
Zarědowanje wótmějo se w nimskej rěcy a se nagrawa za
wědomnostne zaměry.