Serbski muzej Chóśebuz pśepšosyjo wutšobje na zajmny pśednosk wó Janje Awgusće Měrćinku a jogo njewšednem žywjenju z Mechtild a Wolfgang Opel. Wónej stej awtora knigłow „Weil ich ein Inuk bin. Johann August Miertsching – ein Lebensbild“.
Zarědowanje buźo srjodu, dnja 17.4.2024 wjacor zeger šesćich
w Serbskem muzeju w Chóśebuzu.
Jan Awgust Měrćink (1817-1875) póchada z Gróźišća w Górnej Łužycy.
Z 15 lětami jo pśišeł do Małego Wjelkowa a wuknuł na šejca. Tam jo pśistupił Bratšojskej wósaźe. W lěśe 1844 zastupi do misionarskeje słužby a bu wupósłany do Labradora (źinsa Kanada), źož jo pěś lět wóstał.
Wón jo se tam rěc domorodnych Inuit-luźi pśiswójił a jo pózdźej mógał ako dolmetšaŕ źěłaś pśi wumóžowańskej ekspediciji britiskego admiralstwa pśi pytanju zgubjoneje Franklin-ekspediciji.
Pó tšašnej jězbje na łoźi „Investigator“, źož jo „Pódpołdnjowa -pódwjacorna-pasaža Arktis wuslěźiła, pó wumóženim pśed zgłodnjenim a styri śěžkich zymach w loźe jo Měrćink se 1854 do Nimskeje wrośił.
Pótom jo hyšći 12 lět pla Hernhutskeje misije w Južnej Africe źěłał.
W lěśe 1869 jo se wusednuł do Małego Wjelkowa, źož jo w lěśe 1875 zemrěł.
Pó swojej Arktis-jězbje jo krotki cas „wuznamny” wordował, wón jo pśednoski źaržał a jo se wót sakskego krala pśepšosył. W lěśe 1855 jo se jogo drogowański dnjownik wózjawił a engelska kralowka jo jomu za wósebne zasłužby pósćiła „Arktisku medalju”.
Pózdźej bu skóro doceła zabyty. W swójej górnołužyskej domowni jo se tam a zas wobspomnjeł w knigłach a casopisach.
Jano pśipadnje stej Mechtild a Wolfgang Opel na Měrćinka starcyłej a stej pótom slěźiłej za jogo slědami pśez poł swěta. Wónej stej rešeršěrowałej we wjele archiwach, teke w Hawaii, Kanaźe, Engelskej a Južnej Africe, stej se rozgranjałej z pótomnikami, njeznate dokumenty namakałej a nowe dopóznaśa. W pśednosku se z wjele wobrazmi ze zachadnosći a pśibytnosći wó toś tom njewšednem žywjenju Jana Awgusta