Towaristwo za Dolnonimsku rěc w Bramborskej z.t. jo pśepšosony w ramiku drogujuceje wustajeńce „Co ga ma to groniś – mjeńšyna?“ w Chóśebuzu do Serbskego muzeja. Pśicyna jo źinsajšny Europski źeń rěcow. Bramborska jo jadna wót wósym zwězkowych krajow, w kótarychž regionalna rěc Dolnonimšćina swóje kórjenje ma. Wóna jo kaž serbska rěc a rěc Sintow a Romow pśez Europsku chartu regionalnych a mjénšynowych rěcow šćitana.
Astrid Flügge pśedstajijo krajne towaristwo a swóje aktiwity a zaměry. Pśewóźowana buźo wót muzikarja Ronalda Heber z Fleminga, kenž wustupujo ze swójskimi spiwami we flamskej narěcy a tradicionelnej drastwje.