Serbski muzej pśepšosyjo w ramkach aktualneje wustajeńce „Wšo jo krajina. Serbski mólaŕ Jan Buk“, na kuratorske wjeźenje z Hellu Stoleckojc z Chóśebuza
dnja 18.8.2023 zeg. 18:00 do Wuměłskeje hale Łužyca, Güterzufuhrstraße 7. We wjeźenju se zaběramy z pšašanim, kak se pśenjaso to wiźone do sfery mólaŕstwa. Diploměrowana wuměłcowka jo južo k wšakorakim temam serbskego žywjenja źěłała. Což jo se na pśikład we wuglowych jamach naglědała, jo wiźeś w jeje twóŕbach „Brunicowa jama I a II_źeń“ z lěta 2018. Wobraze su byli wustajone w ramkach mjazynarodnego projekta „Wobraze krajiny“, kótaryž jo se 2021 w Serbskem muzeju a Wuměłskej hali prezentěrował.
Hella Stoleckojc jo lětosa swój studij na HGB w Lipsku z diplomom wótzamknuła. Studěrowała jo pla Henriette Grahnert a Franziska Hollstein.
Serbska wuměłcowka se z casa na Dolnoserbskem gymnaziju z łužyskimi temami zaběra, pśedewšym z urbanym serbskim žywjenim, a skerjej nic z folkloru. Wóna jo cłonk „Kolektiwa wakuuma“ (kolektiw za serbske wumełstwo a kulturu). Pśed krotkim jo se wóna wuznamjeniła z mytom dorosta za twórjece wuměłstwo wót Kraja Bramborskeje.