Naše pórucenja za kupki su w fazy wuwiśa. Jolic cośo rady z kupku Serbski muzej woglědaś, wobrośćo se na muzejowu pedagogowku. Pótom móžomy póbitowanje wugótowaś, kótarež jo na Waše pótrjeby pśiměrjone.
Stajamy se pšašanje kótare narodne mjeńšyny w Nimskej. W graśu nazgónje młodostne, kak se njejadnake wobchadanje cujo. Dostanjośo doglěd do serbskeje kultury a až wóna Łužycu wěcej ako 1000 lět kulturnje wobogaśujo.
Starstwo: zakładna šula, sek 1
Licba: maks. 25 wósobow
Cas: 120 minutow
Kosty: 1 €/wósoba
Jatšy su jaden z nejwažnjejšych swěźenjow w serbskej kulturje. Wjele nałogow a tradicijow jo se wokoło jatš wuwiło.
Zgromadnje rozmyslujomy, wótkul jatšy pópšawem póchadaju a dožywijomy nałogi Serbow w našom „nałogowem parcoursu“. Na kóńcu móžo se kužde góle jatšowne jajko pyšniś.
Póbitujo se jano w jatšownem casu.
Starstwo: pśedšula, 1.+2. rědownja
Licba: až do 20 wósobow
Cas: 60-90 minutow
Kosty: 1 €/góle
Póznajśo se ze serbskimi powěsćowymi figurami a jich tšojeńkami. Zgromadnje pśemyslujomy co wóni wóznamjeniju a k comu su se wunamakali.
Starstwo: 3. – 4. rědownja
Licba: maks. 25 wósobow
Cas: 60/90 minutow
Kosty: 1 €/wósoba
Zgromadnje pśemyslujomy, kótare elementy etnisku kupku wugótuju a glědamy, lěc wóni teke za Serbow pśitrjefiju. Pó tom naźěłaju wuknice a wukniki wědu k poměroju mjazy nacionalsocialistiskeju politiku a Serbami. Na kóńcu derimy z graśim z wobłuka interkulturelnego wuknjenja móst slědk do źinsajšnego casa.
Pśedwěda wó casu nacionalsocializma jo žycona.
Licba: maks. 25 wósobow
Cas: 120 minutow
Kosty: zastup + 1 €/ wósoba
Co ma Martin Luther ze Serbami cyniś? Kótaru rěc powědaju Serby? Co ga jo pśěza? Gdy nosyš narodnu drastwu? Serby w Americe – dajo take něco? Dudy se jano w Šotiskej njegraju?
Njejsćo se to teke južo raz pšašali?
We wjeźenju pó trajnej wustajeńcy Serbskego muzeja słyšyśo wótegrona na te pšašanja a hyšći wjele wěcej.
licba: až do 25 wósobow
cas: 60-90 minuty
kosty: zastup + 1 €/ wósoba
Šnycelowa góńtwa wjeźo źiśi ku klucowym objektam wustajeńce, kótarež zgromadnje pśepowědajomy. Na kóńcu caka pókładowa kista, w kótaraž jo kórta Města. Z tym źomy na wubrane dypki w Chóśebuskem centrumje a namakajomy serbsku kulturu a rěc w našom wšednem swěśe.
Starstwo: zakładna šula
Licba: 25 wósobow
Cas: 120 minutow
Kosty: 1 €
Z našeju wuźěłaneju měsćańskeju rallye móžośo samostatnje serbske městna w Chóśebuskem centrumje wótekšyś. Wuśišćajśo sebje rallye a źiśo.
Póbitowanje jo dermotne.
Download how
Stawizny našogo města su wusko spleśone ze serbskimi stawiznami a kulturu. Zgromadnje źomy pó serbskich slědach w chóśebuskem starem měsće.
licba: až do 30 wósobow
cas: 60-90 minutow
kosty: 1 €/ wósoba
Wy pytajośo za zajmnymi zwenkašulskimi wuknjeńskimi městnami?
Pśizjawśo se raźi ze swójim kolegiumom. Dostanjośo doglěd do serbskeje kultury a stawiznow a buźośo powědaś pó tom z muzejoweju pedagogowku wó konkretnych pórucenjach, kótarež móžośo se ze swójimi rědownjami pla nas pśedstajiś.
Celowa kupka: pedagogiski personal
Licba: 20 wósobow
Cas: 90-120 minutow
Kosty: 2,50 €/ wósoba