„… identita jo out. Jo z mody pśišła. Co ga by było „w moźe“, gaž nic moda sama? Ta jo pśecej „IN” – pó definiciji. Identita a moda – napśeśiwny pórik?“

Wim Wenders ‧ „Aufzeichnungen von Kleidern und Städten“ ‧ 1989

Wuglĕdy – Perspektiven pokazuju urbańske žywjenje mjazy nałogami a změnu,
póstupom a tradiciju. Pśez kontrarnej wobrazowej stila, ako stej jaden wót drugego wótsajźonej, pśedstajijotej se dwa napśeśiwnej wida na nacasnu serbsku kulturu. Dwě temje, pó wopśimjeśowej definiciji napśeśiwnej, w danej swójskej fascinaciji pak stej wusko ze sobu zwězanej.
Póstup a změna. Wjelikoformatowe wobraze drastwineje mody dolnołužyskeje designerki Sary Gwiszcz. Wjelike formaty, šćipate, kontrowersne. Pśedstajone wót styrich w Chóśebuzu bydlecych modelow mjazynarodnego póchada.
Tradicija a nałog. Fotografije dešańskego kokota stoje za žywu serbsku kulturu.
Kaž siluety. Pó casu daju se lěbda zarědowaś. Symboliski za procowanja wó tradicionelnu awtentiskosć a wobstawnosć.