Spěchowańske towaristwo za Serbski muzej Chóśebuz z. t.

W nowembrje 2013 jo se Spěchowańske towaristwo za Serbski muzej Chóśebuz z. t. załožyło.
Zaměr towaristwa jo, źěło a dalejwuwiśe Serbskego muzeja pódpěrowaś. Pśi tom źo pśedewšym wó nawabjenje pśidatnych pjenjeznych srědkow za muzealne nakupy a projekty a wó personelnu pódpěru pśi pśewjeźenju zarědowanjow muzeja.

Prědny wuspěšnje zakóńcony projekt jo był zběranje srědkow za nakup mólby „Błośańskej pśěźarce” wót Philippa Francka z lěta 1907. W měrcu 2015 jo se twórba ako dar swětocnje pśepódała do wuměłskeje zběrki Serbskego muzeja.

Wěcej razow w běgu lěta pśepšosujo muzejowe towaristwo na kulturne zarědowanja, mjazy drugim pódpěrujo muzejowy swěźeń a dwórje.