W Chóśebuzu wótwórijo se prědna wustajeńca Dolnołužyskego towaristwa za antropologiju a starowěkowu wědomnosć – prezentěruju se teke eksponaty k serbskej kulturje a žywjeńskim wašnjam Dolnoserbow
Zběrka dolnołužyskego towaristwa wjeźo se ze zběrku měsćańskego domowniskego towaristwa gromadu; wótwórjenje Měsćańskego muzeja na Žandojskej droze 22 – ze „Serbskeju burskeju śpu”
Zjadnośenje wšyknych měsćańskich a towaristwowych zběrkow; wótwórjenje Měsćańskego muzeja na Nowych wikach 8 – ze „Serbskim wótźělenim” w dwěma rumnosćoma
Nowowótwórjenje Domowniskego muzeja pśi Nimskej cerkwi 2 – ze „Serbskeju burskeju śpu”
Město Chóśebuz zgubijo pśez 2. swětowu wójnu pśisamem wšykne swóje muzealne zběrki
Pśešegnjenje Měsćańskego muzeja do groda w Rogeńcu; nowa wustajeńca wěnujo se teke burskej kulturje dolnołužyskich Serbow, kótaruž zachopnje jano ako „błośańsku” pomjeniju
Wuměna wjednistwa muzeja a wutwaŕ „serbskego wótźělenja“; „Wustajeńca k stawiznam a kulturje Serbow” – w styrich śpach w pśizemskej etažy Rogeńskego groda
Wšakorake wósebne wustajeńce k serbskemu twórjecemu a ludowemu wuměłstwoju w Rogeńskem groźe; měsćański muzej w Rogeńcu statkujo wót lěta 1961 ako „Wokrejsny muzej Chóśebuz“
Ako pśinosk k V. festiwaloju serbskeje kultury wótwórijo se we Wokrejsnem muzeju w Rogeńcu wustajeńca „Dolnoserbske pismojstwo”, kurator: Jozef Frencl (1909–1991)
Wustajeńca „Dolnoserbske pismojstwo” pokazujo se ako drogowańska wustajeńca w Mužakowje, Lubnjowje, Złem Komorowje, Jaserni a Łukowje; Wokrejsny muzej Chóśebuz prezentěrujo wustajeńcu „Serby we wobwoźe Chóśebuz” w Targowišću/Bulgarskej a Lipjecku/Sowjetskem zwězku; kabinetna wustajeńca „Serbske wucbnicy a wuwucowańske srědki“; drogowańska wustajeńca wó serbskej spisowaśelce Minje Witkojc
Natwarjenje muzejowego wótźělenja „Serbski muzej“ we Wokrejsnem muzeju – wót lěta 1986 su tśi kurator/ce pśistajone, wóni maju swóje sedło na Šilerowej droze w Chóśebuzu (mimo wustajeńskich rumnosćow); wobšyrnjejše zběrańske statkowanje – pódla pismojstwa zběraju se něnto teke narodne drastwy, twórjece a ludowe wuměłstwo, objekty wšedneje kultury kaž teke k muzice, numismatice a postowym stawiznam; wósebne wustajeńce mj. dr. w Rogeńskem groźe, Měsćańskej hali a w Serbskem domje w Chóśebuzu
Saněrowanje wót města Chóśebuza kupjonego twarjenja na Młyńskej droze 12; koncipěrowanje a natwaŕ stawneje wustajeńce k stawiznam a kulturje Dolnoserbow; financěrowane ze srědkami kraja Bramborskeje, Załožby za serbski lud a města Chóśebuza
Wótwórjenje Serbskego muzeja w Chóśebuzu, dnja 3. junija 1994 – z předneju stawneju wustajeńcu k serbskim stawiznam a kulturje w Dolnej Łužycy; až do kóńca lěta 2015 wuźěłajo a prezentěrujo se pśisamem 100 wósebnych wustajeńcow, źěl tych wósebnych wustajeńcow pokazujo se teke zwenka Chóśebuza a Łužyce
Saněrowanje muzejowego chroma a nowowugótowanje stawneje wustajeńce; w casu pśetwarjenja jo muzej z wustajeńcu „Zachowane drogostki“ w chóśebuskem měsćańskem muzeju (2016) a teke z drugimi wósebnymi wustajeńcami a zarědowanjami zwenka domu prezentny
Nowowótwórjenje Serbskego muzeja – z noweju stawneju wustajeńcu ku kulturnym stawiznam Serbow w Dolnej Łužycy
