Wótwórjenje wustajeńce
„Lichota kiwa! Serby
a mjeńšynowe pšašanje pó 1918″
pětk, dnja 31. měrca 2023, zeger 18.00
Drogowańska wustajeńca Serbskego instituta
w Serbskem muzeju w Chóśebuzu
31.3. – 14.5.2023
Wót 19. stolěśa pśiběraju mjazy Serbami pominanja za narodneju njewótwisnosću.
„Lichota kiwa“ groni se naźeje połnje na zachopjeńku lěta 1919,
ako se pó końcu prědneje swětoweje wójny europska kórta nowo rědujo.
Wustajeńca pśedstajijo cas rozmacha serbskich narodnych procowanjow mjazy swětowyma wójnoma.
Pśi tom wustupujuce pšašanja za kolektiwnym samopóstajenim, za tolerancu a wurownanju zajmow
mjazy mjeńšynu a wětšynu su až do źinsajšnego aktualne.
Za wustajeńcu stej se historikarja Serbskego instituta w Budyšynje, dr. Jana Piňosová a dr. Friedrich Pollack,
w zgromadnem źěle ze sobuźěłaśerjami agentury Culture and more z Barlinja
we wěcej ako 40 archiwach w tu- a wukraju rešeršěrowałej.
Prezentěruju se wjele až dotychměst njeznate dokumenty – lětaki, fotografije, karikatury a politiske plakaty.
Wustajeńca wopśimjejo 15 toflow a jo se z eksponatami Serbskego muzeja,
Chóśebuskego měsćańskego muzeja a priwatnych luźi wudopołniła.
