Nowa wósebna wustajeńca w Serbskem muzeju Chóśebuz / Cottbus wót 14.9.23 – 5.11.23.
Wuzgónijośo awtochtone narodne mjeńšyny Nimskeje a regionalnu rěc dolnonimšćina w interaktiwnej wustajeńcy!
Šesćźělna rum-rumowa instalacija zmóžnijo zaběru z pěś kupkami: danskeje mjeńšyny, nimskimi Sintami a Romami, serbskemu ludoju, friziskej ludowej kupce a powědaŕskeju kupku dolnonimšćinu. Na pśikłaźe toś tych kupkow staja teke wětšynowu ludnosć nastupajuce pšašanja za identitu a poměrom mjazy swójim a cuzymi.
Wustajeńca se wót wjelerakego programa pśewóźujo. Informacije k tomu namakajośo how.
Póbitujomy teke muzejopedagogiske pórucenja za šule.
Drogojuca wustajeńca jo projekt mjeńšynoweje rady styrich awtochtonych narodnych mjeńšynow a ludowych kupkow Nimskeje a togo Bundesraat för Nedderdüütsch, spěchowany wót Zwězkowego ministaŕstwa nutśikownego a za domownju.