17:00
Pśednosk dr. Zuzany Hozyneje
(pśednosk jo w nimskej rěcy)
„Źiwy muski a pśezpołdnica. Póstawy wuźěsenja w serbskich powěsćach a bajkach.“
W ramiku rěda „Sorabistika pó droze“ smy pśepšosyli kněni dr. Zuzanu Hozynu wót Serbskego instituta z jeje pśednoskom k „Póstawam wuźěsenja w serbskich powěsćach a bajkach“.
Dajśo se wuwjasć do wótergi teke śamnego swěta serbskich powěsćow a bajkow.
W serbskej wulicowańskej tradiciji se wopisujo pśedewšym „pśezpołdnica“ ceło jasnje ako surowa a tšašna póstawa. Toś ta ryjna, běło wobalona serpownica se połdnjo wokołošari na póli abo pśi kšomje góle a wupšašujo swójich woporow až do smjerśi. Jano někotare mógu se jej wuwinuś, su pótom pak śěžko chóre.
Pśed zmakanim z rowno tak tšachotnym kósmatym „Kósmodejom“ pak te pilne a skromne luźe se njetrjebaju bójaś, gaž se pórědnje zaźarže. Ale z tymi gniłymi a zekśětymi subjektami wón pódobnje wobchada, ako ta pśezpołdnica.
W pśednosku se wujasnijo, kak nastawaju take póstawy wuźěsenja a wulěkanja w ludowych wulicowanjach Łužyce, kótaraž ako kulturna krajina zwěžo słowjańske a nimske rěcne teritorije.
zastup: 2 €