21.07.2026 – 23.08.2026
Kokot na dwórje Serbskego muzeja
za familije
Wót 21.07.2026 až do kóńca lěśojskich prozninow móźošo na dwórje Serbskego muzeja serbski žnjeński nałog wuproběrowaś. Łapanje kokota jo stary nałog z pśedkśesćijańskimi kórjenjami. Jo něga myslony był pó wowsowych žnjach, ten žnjeński duch (kokot) wusmjerśiś, aby mógał zasej nowy žnjeński duch a nowe žni znowa derje narosć.
Na našom dwórje mógu wšykne, pak małe pak wjelike, jadnu źiśam pśichylnu adapciju togo nałoga wuproběrowaś a sami žnjeński kral abo žnjeńska kralowka wordowaś. Pójšćo mimo a dožywiśo serbske kulturne derbstwo.