17.07.2026
15:00
kafejowa schadowanka a finisaža
Njeźelu, dnja 26.7.2026 zakóńcyjo se wustajeńca „Ze žeńskecym póglědanim“.
Do togo pak Was wutšobnje pśepšosyjomy na „kafejowu schadowanku ”
z wuměłcowkami Iris Brankačkoweju , Maju Naglowu, Hellu Stoleccyc
a z barlinskeju fotografowku Carla Pohl, kenž jo wšyknych tśich žeńskich portretěrowała.
We wólnej rozgranjańskej runźe powědamy wó tom, což wiźimy a wósebnje teke wó tom,
což njewiźimy. Wšykne styri wuměłcowki se rozestajaju w swójich twóŕbach
ze stawiznami, krajinu, kulturu a identitu a pokažu nam we tom
žeńskece perspektiwy – žeńskece póglědanje.
Pśi kafeju a chłodnych piśach pśiźomy do rozgrona ze wuměłcowkami.
Zastup jo dermo.
Za piśa pšosymy wó mały pósćonk.