11.09.2026
20:00
“rozswětlenje” – Lichtspiele
Fasadowa projekcija & awdiowizuelna Live-Performance
W ramiku lětosneje OpenArt Lausitz Biennale se pśeměnijo droga pśed Serbskim muzejom do wósebnego zukowego-wobrazowego-dožywjenja pód gołym njebjom. Wenkowna fasada muzeja se změnijo pśez wjeliku projekciju, swětło a se pógibujuce wobraze do temporarnego žywego jawišća ze zukom, architektury a digitalnego wuměłstwa.
Te „Visuals“ (grafiske wobraze/grafiski material) nastanjo w zgromadnem źěle wót sorbisches.mapping / Daniel Häfner a Ectoplastic Lab. Fotografije aktualneje wósebneje wustajeńce wót Denisa Galloway zjadnaju se ze serbskimi motiwami, generatiwnymi wobrazami a wósebnym „Fassadenmappingom” a wuwijaju se k atmosferiskej kompoziciji ze swětła a pógibowanja.
Toś tu projekciju pśełožuju elektroniska Live-muzika a wót serbskego spiwa inspirěrowane sounds wót Jakoba Gruhla/ Jkube. Wobraz a zuk reagěrujotej jaden na drugi a twóritej zgromadnje imersiwnu atmosferu w zjawnem rumje. K instalaciji se dodajo interaktiwna stacija, źož mógu woglědaŕki a woglědarje sami wobwliwowaś awdiowizuelnu performance. Tak su wóni sami źěl togo tšojenja.
Wjacor se zachopijo zeger 8 z atmosferiskimi ambientnymi zukami a grafiskimi wobrazami na muzejowej fasaźe. Wokoło zeger 9 wjacor slědujo někak 30 minutow dłujki Live-Set wót Jkube, pótom pomałem wuklincyjo toś to wjacorne zarědowanje.
pětk, 11.09.2026
z. 20:00–22:00
pśed Serbskim muzejom
Młyńska droga 12
03046 Cottbus/Chóśebuz
Muzej jo ze stawneju a wósebneju wustajeńcu wót zeger 19:00 wótwórjony.
Na dwórje se póbituju wóda & wino a małke pśikuski (snacks) za dobrowólne pósćiwanje.