28.05.2026
18:00
Koncert „Za Minu“ ze serbsko-pólskim „Duo Walburga Walde/Wałdźic & Izabela Kałduńska“
Pśepšosyjomy Was wutšobnje na koncert pśi góźbje narodnego dnja Miny Witkojc na dwórje Serbskego muzeja.
Serbsko-pólski „Duo Walburga Walde/Wałdźic & Izabela Kałduńska“ pśedstajijotej swój prědny album – „Za Minu“ (Für Mina) ako jo wěnowany wuznamnej dolnoserbskej spisowaśelce a basnikaŕce Miny Witkojc (1893–1975). Album wopśima źewjeś kompozicijow, kótarež na jeje basnjow bazěruju.
Wóna jo wójowała w casu pólitiskego pódtłocowanja a kulturelneje asimilacije ze swójim tekstami wó zdźaržanje serbskeje rěcy a identity. Witkojc teksty su bogate nad wobrazami a zukami, a jeje basnje wugroniju naźeju a póžedanje za lěpšym swětom. Pśecej zasej wopisujo pśirodu ako móc, kótaraž se njedajo wót cłowjeka kontrolěrowaś – pśeto jo pótajmna a stwóriśelska žywjeńska móc. Toś ta muzikaliska interpretacija co jeje poeziju cesćiś a ju na doraznu wašnju daś pśistupniś.
Toś ta muzikaliska interpretacija co jeje poeziju cesćiś a ju na doraznu wašnju daś pśistupniś.
Serbska spiwaŕka Walburga Wałdźic a pólska wiolonista Izabela Kałduńska (wiolina, loops, efekty) stej gromadu pśišłej pśez źěło za soundtrack za dokumentarny film „Hanka”: Bei uns heißt sie Hanka / Pla nas gronje jej Hanka / Pola nas rěka wona Hanka (režija: Grit Lemke). Za toś ten film stej nastałej dwě originalnej kompoziciji na basnje wuznamneje serbskeje spisowaśelce Miny Witkojc. To běšo inspiracija, jaden ceły album cyniś z kompozicijami na Witkojc basnje. Wjeliki źěk słuša tejerownosći Macijoju Rychłoju, pólskemu komponistoju a pśijaśeloju Serbow, kenž jo teke dwa kuska za toś ten album napisał!
Tikety pśi wjacornej kasy: 15€ / 12€